Një 62-vjeçar është gjetur i pajetë dhe me shenja dhune. Ngjarja ka ndodhur në Sarandë, ndërsa trupi i pajetë është parë rreth orës 04:00 të mëngjesit të sotëm.
Mësohet se viktima është Leonard Qasari, ndërsa në shkallët e pallatit ku banonte janë gjetur gjurmë gjaku.
Viktima u konstatua nga disa banorë të zonës, që kanë parë edhe shenjat e dhunës në trup. Sipas policisë, viktima ka rënë nga shkallët, duke gjetur vdekjen, ndërsa dyshohet se ka qenë nën efektin e alkoolit.
Informacioni paraprak
Më datë 15.01.2018, rreth orës 05:25, në lagjen ”Nr.4”, mbi trotuar është gjetur i pajetë dhe me dëmtime në kokë e pjesë të trupit, shtetasi Leonard Qesari., 61 vjeç, banues në lagjen Nr.4, Sarandë.
Nga verifikimi paraprak dhe kqyrja që u është bërë kamerave ka rezultuar se shtetasi ka rënë nga shkallët e katit të gjashtë në hyrjen e pallatit ku banon dhe pasi ka rënë është munduar të ngrihet e të ecë ku më pas ka ndëruar jetë mbi trotuar.
Nga veprimet e para hetimore të kryera dyshohet se shtetasi ka qënë nën efektin e pijeve alkoolike.
Grupi hetimor po vijon punën për dokumentimin e rrethanave të ngjarjes.
