Zëdhënësja e BE-së, Maja Kocijancic, ka komentuar takimin e djeshëm në Ohër mes liderëve ballkanikë, duke u shprehur se këto iniciativa për rritjen e bashkëpunimit rajonal janë të mirëseardhura.
Në një prononcim për Gazetën Express, ajo thotë se në mbledhje duhet të jenë të përfshira të gjitha shtetet e Ballkanit Perëndimor. Kjo sipas saj, që nisma të jetë në përputhje me të gjitha rregullat e BE-së.
“Është e rëndësishme që nisma rajonale të përfshijnë të gjitha partnerët në Ballkanin Perëndimor, dhe të jenë në përputhje me rregullat e Bashkimit Evropian, duke u bazuar gjithmonë në angazhimet e marra më herët”, u shpreh ajo.
Kocijancic deklaroi se bashkëpunimi rajonal është një element kyç për perspektivën evropiane të Ballkanit Perëndimor.
Ajo shtoi se BE mirëpret të gjitha përfundimet e Samitit të mbajtur në Ohër. Sipas saj, nisma respekton të gjitha angazhimet e marra nga marrëveshjet ekzistuese. Siç është marrëveshja e CEFTA-s e Traktatin E komunitetit të Transportit.
