Numri i viktimave nga pallati i shembur në Florda të Shteteve të Bashkuara të Amerikës, ka shkuar 86 dhe 54 persona nuk janë gjendur ende. Shanset pët t’u gjendur të gjallë janë zero, por megjithatë shpresat nuk janë shuar.
Sipas autoriteteve në Florida, 62 nga 86 viktimat e gjetur deri më tani janë identifikuar, ndërsa në total, dyshohet se brenda pallatit të shembur kanë qenë 211 persona, shkruan CNN.
Kryebashkiaku i Surfside, Charles Burkett tha se ekipet që heqin rrënojat nga pjesa e prishur ndërtesës, mund të përfundojnë punën e tyre shumë shpejt.
Ndërtesa 12 katëshe në Surfside, Florida, në veri të Miamit, u shemb pjesërisht më 24 qershor. Ndërtesa e Champlain Towers South përmbante 136 apartamente dhe 55 prej tyre u shembën të enjten duke lënë pas një grumbull të madh rrënojash.
Qyteti Sërfsajd publikoi dokumenta të vitit 2018 që tregojnë se ndërtesës i është kërkuar një riparim me kosto prej 9.1 milionë dollarë pasi një inspektim inxhinierik gjeti dëme të mëdha strukturore në pjesën e betonit poshtë pishinës së ndërtesës si dhe në disa pjesë të tjera.
