Gjykata e Fierit ka dhënë masën e sigurisë “Arrest në shtëpi” për 52-vjeçarin Luftar Panahori, i cili akuzohet se shembi urën e Darzezës, pasi tentoi të kalonte në të me një mjet të tonazhit të rëndë.
Shoferi Panhori drejtonte një automjet me rimorkiator mbi të cilin kishte ngarkuar një mjet pune duke mos respektuar sinjalistikën e përcaktuar për kalimin në urë.
Ngjarja dhe arrestimi i tij
Shoferi i cili kaloi me kamion të tonazhit të rëndë dhe shembi urën në Darzezë një ditë më parë, tashmë është vënë në pranga. Blutë e Fierit, njoftojnë se kanë arrestuar 52-vjeçarin me iniciale L.P, për veprën penale “Shkatërrimi i rrugëve”. Ky shtetas, duke drejtuar automjetin me një rimorkiator mbi të cilin kishte ngarkuar një skrep, ka kaluar në urën e rrugës automobilistike Fier-Darzezë jashtë tonazhit të parashikuar në tabelën sinjalistike. Për rrjedhojë, ura është shembur.
