Dy mijë persona kanë mbetur të izoluar, si pasojë e shembjes së një ure në një fshat të Fierit.
Konkretisht, për shkak të prurjeve të mëdha të lumit, është shembur ura që lidh fshatin Darëzezë me Fierin.
40 efektivë të Forcave të Armatosura u nisën drejt Darzezës për të qenë prezent në rast se do të duhej ndërhyrja e tyre për të iu ardhur në ndihmë banorëve të zonës.
Ministria e Mbrojtjes bën me dije se Batalioni xhenio i Forcave të Armatosura ka nisur ndërtimin e një ure provizore në Darëzezë.
Po ashtu, një çift të moshuarish në Darëzezë janë evakuuar nga forcat e zjarrfikëses. Fillimisht, familja nuk pranoi të evakuohej, ndërsa më pas kanë qenë vetë burrë e grua që kanë njoftuar policinë, duke kërkuar ndihmë pasi banesa e tyre ishte nën ujë.
