Kandidati për kryetar në Partinë Demokratike, Agron Shehaj është shprehur për herë të parë në lidhje me djegien e mandateve, dhe mospjesëmarrjen në zgjedhjet vendore në vitin 2019.
Në një konferencë për mediat, Shehaj u shpreh se ishte kundra dhe ka shprehur qendrimin e tij në lidhje me këto çështje.
Sipas tij, këto ishin dhe dy nga arsyet më kryesore se pse Partia Demorkatike humbi zgjedhjet parlamentare të 25 prillit.
Agron Shehaj: ”Kam qenë kundër djegies së mandateve. E kam shprehur. Kam qenë edhe kundra mospjesëmarrjes në zgjedhjet vendore. Këto kanë qenë edhe dy nga arsyet e humbjes së zgjedhjeve të 25 prillit.”
Më 13 qershor, Partia Demokratike zhvillon zgjedhjet për kryetarin e ri. Përballë Lulzim Bashës, do të garojnë Edi Harxhi, Agron Shehaj dhe Fatbardh Kadilli.
