Një aksident i rëndë, me pasojë një të vdekur ka ndodhur në aksin Shkodër-Velipojë rreth orës 01:15.
Mësohet se shefi i trafikut në komisariatin e policisë Malësi e Madhe, Përparim Papa, 48 vjeç, është përplasur me mjetin e tij tip Benz me targa AA798FI me një motoçikletë.
Si pasojë e aksidentit ka humbur drejtuesi i motoçikletës Preke Kokli, 60 vjeç, banues ne Velipojë. Papa është arrestuar menjëherë nga policia, ndërsa shkaku kryesor i aksidenti dyshohet se është mungesa e ndriçimit në aksin Shkodër-Velipojë.
NJOFTIMI I POLICISË:
Shkodër
Humb jetën 60-vjeçari, ndalohet punonjësi i policisë i përfshirë në aksident
Në datë 26.07.2017, rreth orës 01:10 në segmentin rrugor Velipojë – Shkodër, në fshatin Mali Kolajve, Policia u njoftua se kishte ndodhur një aksident me pasojë vdekjen.
Në vendngjarje shkuan shërbimet e Policisë dhe konstatuan mjetin tip ‘’OPEL’’, me targa AA798FI me drejtues mjeti Përparim Papa, i cili ishte përplasur me mjetin motoçikletë tip ‘Yamaha’ me targë SH 807 B. Për pasojë humbi jetën shtetasi P. P. 60 vjeç, banues në fshatin Baks, Velipojë.
U arrestua në flagrancë shtetasi Përparim Papa, 48 vjeç, banues në Tiranë, me detyrë oficer i Policisë në Sektorin e Qarkullimit Rrugor, Komisariati Policisë Malësi e Madhe.
Materialet proceduriale do t’i referohen Prokurorisë së Rrethit Gjyqësor Shkodër për veprën penale “Shkelje e rregullave të qarkullimit rrugor”, parashikuar nga neni 290/3 të Kodit Penal.
