Ish-kryeministri Sali Berisha ka publikuar në faqen e tij “Facebook”, mesazhin e qytetarit dixhital, ku ky i fundit denoncon faktin se shefi i Krimeve në Korçë është ortak i Emiljano Shullazit. Kujtojmë se pak çaste më parë Edmond Çela u pezullua nga detyra nga SHCBA.
Ditën e djeshme në Kapshticë u kap një autobus, që thuhet se është në pronësi të efektivit Edmond Çela, brenda të cilit ishin fshehur 2 kg heroinë. Në denoncimin e tij qytetari shkruan se Çela ka në pronësi edhe disa autobusë të tjerë, ndërsa shton se ky i fundit është përfshirë në trafik droge dhe qeniesh njerëzore.
Mes të tjerash denoncuesi i shkruan Berishës se Çëla bashkëpunon me deputetin e PS Ilir Pendavinji, i cili sipas tij e mbron për të mos e hequr nga vendi i punës që mban.
MESAZHI I BERISHËS
Kjo eshte Narkopolicia qe duam!
Shefi i krimeve ne Korçe ortak i Milit te Partise, trafikant heroine!
Lexoni mesazhet e qytetareve dixhital. sb
“Pershendetje dr shefi i policise hetimore te kapshtices ortaku i shullazit ju kap autobuzi ne kapshtice me 2 kile eroine dhe shum e late”
“Pershendetje doktor ! Sot ne Kapshtice nga pala greke eshte kapur nje autobuz i linjes Shqiperi-Greqi, i cili transportonte
Ngjarja
Edmond Çela, shefi i Hetimit në Drejtorinë e Kufirit në Korçë është pezulluar nga detyra. Pezullimi i tij nga SHÇBA vjen një ditë pasi autoritetet greke, zbuluan 2 kilogramë heroinë të fshehur në një autobus në pronësi të Çelës.
Mjeti ishte nisur nga Korça dhe kishte si destinacion Selanikun. Lënda narkotike u bllokua sapo autobusi kaloi kufirin shqiptar. 2 kilogramët e heroinës ishin fshehur në tualetin e autobusit.
Çështja e heroinës së sekuestruar në Kapshticë i ka kaluar Krimeve të Rënda. Policia lokale po vijon hetimet për mundësinë e implikimit të personave të tjerë në trafikun ndërkombëtar të lëndëve narkotike me Greqinë. Pjesë e hetimit do të jetë edhe Çela.
