Sekretari i Përgjithshëm i NATO-s, Jens Stoltenberg, ka thënë se Vladimir Putin po dështon në Ukrainë dhe se Rusia po përpiqet të përdorë dimrin si armë.
Ai tha: “Fokusi kryesor tani është në mbështetjen e Ukrainës, duke siguruar që presidenti Putin të mos fitojë, por që Ukraina të mbizotërojë si një komb sovran në Evropë”.
Ministrat e Jashtëm të NATO-s po takohen sot në Rumani, për të siguruar mbështetje shtesë për Ukrainën, ndërsa Rusia vazhdon të sulmojë infrastrukturën e saj energjetike.
Stoltenberg shtoi se aleatët e bllokut kanë dorëzuar gjeneratorë dhe pjesë këmbimi për të ndihmuar Kievin, të rindërtojë objektet e tij të dëmtuara të energjisë. Sulmet kanë lënë miliona ukrainas pa energji, ujë dhe ngrohje.
Burimi i lajmit: Sky News. Përshtatur nga Tirana Today
