Duket se trafiku i drogës nga Shqipëria nuk është një problem vetëm për Italinë, por edhe për Greqinë.
Shefi i Luftës kundër Drogës në policinë e Athinës, Konstantinos Panagiotopoulos, ka dhënë alarmin teksa shprehet se Shqipëria është furnizuesi kryesor i Evropës me të gjitha llojet e drogës.
Fillimisht, Panagiotopoulos pranoi se problemi më i madh në Greqi mbetet trafikimi i drogës, teksa kriminelët janë gjithnjë një hap para për tëkryer punën e tyre të sigurt:
“Në vendin tonë nuk ka kartele droge si në Meksikë, Kolumbi apo disa vende të tjera europiane. Problemi më i madh në Greqi në lidhje me trafikimin e drogës, janë kryesisht organizatat kriminale shqiptare, të cilat kanë marrë në dorëzim në një shkallë të lartë, tregtimin e të gjitha llojeve të drogës. Ne jemi gjithnjë gati për bllokimin e këtyre grupeve.
Me rëndësi të veçantë është fakti që grupet kriminale harxhojnë shumë para në teknologji. Konkretisht telefona celularë që vështirë tu gjurmohen bisedat, kode bashkëbisedimi por edhe kimista, janë disa nga armët e karteleve, për të kryer punën e tyre të sigurt. Krimi është gjithnjë një hap para”, shprehet Shefi i antidrogës Konstantinos Panagiotopoulos për zougla.gr.
Në tre vite, konkretisht në periudhën 2014-2017 ajnë sekuestruar 484 kg kokainë, 800 kg heroinë, 9 ton 900 kg marijuanë, 387 kg hashash dhe 12.950 rrënjë “cannabis sativa” vetëm në Athinë.
Sipas zougla.gr, Shqipëria është vendi kryesor i prodhimit të marijuanës në Ballkan, e cila furnizon gjithë Europën ose nga kufijtë e saj veriorë ose përmes linjës Greqi-Itali. Sasi të mëdha droge vinë në Greqi përmes kufirit greko-shqiptar me destinacion Italinë përmes portit të Igumenicës apo Patrës.
“Lidhur me trafikimin e drogës, nga arrestimet e kryera, faktohet që dorë kanë organizatat shqiptare. Gjithashtu një ishull ku kemi vërejtur ardhjen e sasive të drogës është Zakynthos”, shprehet Panagiotopoulos, shkruan BalkanWeb.
KOKAINA:
“Nga të dhënat që kemi, shqiptarët mbeten drejtues të trafikut të kokainës në Greqi. Pas tyre vijnë grekët, serbët dhe maqedonasit, kryesisht pranë kufirit.
Sasi të mëdha kokaine vijnë në Europë, përmes porteve të Roterdamit, Amversës dhe porteve të Italisë, Gjermanisë dhe Italisë.”
HEROINA:
“Edhe në trafikimin e heroinës, drejtues janë Shqiptarët”, thotë Shefi i antidrogës. “Vijojnë grekët, maqedonasit dhe Bullgarët, ndërkohë që rol të rëndësishëm kanë dhe turqit.”