Temperaturat e ulëta të cilat në disa zona arrijnë deri në minus 30 gradë celsius kanë përshirë pjesën më të madhe të SHBA-ve.
Pamjet më spektakolare vijnë nga ujëvarat e Niagarës në kufi me Kanadanë ku uji është transformuar në copa të mëdha akulli. Nga Boston në Oklahoma dhe Uashington temperaturat shkojnë nga minus 9 deri në minus 40 gradë.
Kur sfera e kristaltë të bjerë në Nju Jork për të festuar mesnatën e ndërrimit të viteve temperaturat do të jenë në minus 20 gradë. Hera e fundit kur temperaturat ishin kaq të ulëta në prag të vitit të ri ka qenë në 1962-shin.
