Një grua nga Pensilvania pati një ribashkim të ëmbël me këlyshin e saj të humbur pas më shumë se dy vitesh ndarje.
Aisha Nieves nga Pennsylvania kohët e fundit po kërkonte një qen të ri për dy fëmijët e saj dhe vendosi të shikonte në faqen e birësimit të Shoqatës Humane të Qarkut Lehigh (LCHS). Ajo menjëherë vuri re se një Pit bull -Rottweiler kaf, i disponueshëm për birësim në strehimore ishte i njëjti qen që asaj i kishte humbur disa vite më parë.
“Mendova, prit pak, nuk mund të jetë ai”, tha Nieves për The Morning Call. “Pastaj, pashë vragën e vogël në njërin sy, vragën që i kishte bmetur nga një aksident me një derë, dhe mendova,”O Zot, ky është foshnja ime, ky është Kovu!”
Sipas The Morning Call, Nieves tha se gjatë ribashkimit, “Ai po tërbohej, duke u përpjekur të largohej nga djali që e mbante dhe po vraponte tek unë. Pastaj, u hodh mbi mua dhe filluam të puthemi dhe përqafohemi. Ai u ngrit tek prehri im … Unë i thashë, “Po, po shkon në shtëpi. Më vjen shumë keq që ndodhi. Nuk do të të humbas më kurrë”
