Seal Team Six, grupi i dërguar në Pakistan në 2011 për të vrarë Bin Laden-in, po merr pjesë në stërvitjet sekrete krahas ushtrisë së Koresë së Jugut për të eliminuar liderin e Koresë së Veriut.
Skuadra speciale e vrasjeve, e cila do të fillojë të funksionojë në dhjetor, u krijua nga Ministria e Mbrojtjes e Koresë së Jugut, për të neutralizuar sistemet e “komandimit dhe kontrollit” në veri, raporton The Times.
Song Young-moo, Ministri i Mbrojtjes, u tha deputetëve: “Ne jemi në procesin e konceptimit të planit.”
“Unë besoj se mund ta krijojmë njësinë brenda datës 1 dhjetor.”
Ministria e Mbrojtjes në Korenë e Jugut, nisi një plan për të vrarë diktatorin Kim të pagëzuar me emrin “hakmarrje masive në Kore”, njofton shërbimi lokal i lajmeve News 1.
Njoftimi erdhi pasi Kim Jong-un kreu testin e tij të gjashtë më të fuqishëm bërthamor të dielën.
