Senatori republikan John McCain ka deklaruar se Presidenti i Rusisë Vladimir Putin është kërcënimi më i madh për sigurinë globale, madje më i madh edhe se ISIS.
Gjatë një interviste për ABC, McCain deklaroi gjithashtu se rusët kanë tentuar që të shkatërrojnë thelbin e demokracisë duke u përpjekur që të ndërhyjnë në zgjedhjet presidenciale amerikane për të ndryshuar rezultatin.
“Unë mendoj se Putin është kërcënimi kryesor edhe më shumë se sa ISIS. Është e vërtetë që ISIS mund të bëjë gjëra të tmerrshme, por rusët janë përpjekur të shkatërrojnë thelbin e demokracisë dhe të ndryshojnë rezultatin e zgjedhjeve amerikane”, u shpreh McCain.
