Shtetet e Bashkuara të Amerikës kanë hedhur me sukses në hapësirë një satelit sekret. Raketa Falcon e kompanisë private Space X u nis nga baza hapësinore në Kepin Kanaveral të Floridës mbrëmë, duke dërguar në një orbitë të fshehtë një satelit sekret me emrin Zuma, shkruan voa.
Sateliti i përket kompanisë që kontrakton shërbime për Pentagonin, Northrop Grumman, por nuk është e qartë se cila agjenci qeveritare e porositi këtë mision.
