Të paktën 352 civilë janë vrarë në sulmet e koalicionit ushtarak të udhëhequr nga SHBA-ja kundër militantëve të ISIS-it në Siri dhe Irak. Të vrarët civil llogariten nga koha kur operacioni filloi, në vitin 2014, njofton ushtria amerikane.
Numri i përgjithshëm i vrasjeve të civilëve, i dhënë nga ushtria amerikane është shumë më i vogël se ai i grupeve monitoruese.
Grupi monitorues “Airwars” thotë se më shumë se 3.000 civilë janë vrarë nga sulmet ajrore të koalicionit.
“Neve na vjen keq për humbjet e paqëllimshme të civilëve… u shprehim ngushëllime familjeve dhe të gjithë të prekurve nga këto sulme!”, ka thënë Pentagoni në një komunikatë për mediet.
