Në orët e para të mëngjesit të ditës së sotme SHBA-ja Britania e Madhe dhe Franca goditën me raketa Sirinë. Ndërsa mediat e huaja kanë saktësuar tre objektivat që u shenjestruan nga raketat, ndërkohe që ka ende shumë spekulim edhe për të tjera zona të goditura.
Një nga sulmet kishte në shënjestër një kompleks shkencor në Barzeh në afërsi të Damaskut, të cilin koalicioni pretendonte se ishte i përfshirë në prodhimin e armëve kimike dhe biologjike. Qeveria siriane tha se bombardimet shkatërruan një qendër edukimi dhe laboratorë shkencore, por nuk pati viktima.
Ministria e Mbrojtjes e Britanisë së Madhe tha se katër GR4s Royal Air Force Tornado nisën raketat Storm Shadoë në atë që pretendohet se është një ish bazë raketash dhe depo per ruajtjen e armeve kimike, 15 milje në perëndim të Homs.
Shenjestra e trete ishte një vend magazinimi të pajisjeve të armëve kimike dhe një vend i rëndësishëm komandues pranë Homs.
Dymbëdhjetë raketat në det të hapur shënjestruan bazën ajrore Al-Dumayr në lindje të Damaskut, sipas ushtrisë ruse. Sirianët përdorën sistemet anti-avionë S-120, S-200 dhe Buk të tipit sovjetik, duke pretenduar se kishin kapur të gjitha raketat.
