Sharon Stone ka folur me detaje rreth jetës së saj dhe vështirësitë që ka kaluar pas divorcit me ish-bashkëshortin. Në një intervistë për revistën “Chi”, aktorja e mirënjohur ka thënë se jeta i ka ndryshuar ndjeshëm me fëmijët e birësuar, edhe pse fati e deshi që ajo të mos bëhej nënë.
“Do të doja që njerëzit të më kujtonin si një nënë të mirë, se sa një aktore të madhe. Më parë kisha synime të mëdha, tani jo më. Jetoj dhe jam e lumtur për orët që kaloj me fëmijët dhe sigurisht që jam më e sjellshme me njerëzit që më rrethojnë. Mendoj se jam bërë një njeri më i mirë. Ka shumë fëmijë në botë që kërkojnë një familje. Dhe unë mendoj se adoptimi është rruga e dytë që Zoti na ka dhënë për të patur fëmijë. Të qenit human nuk vjen nga fakti se kush të lind, por nga se kush të do”, tha aktorja, duke treguar për herë të parë këtë pjesë të jetës së saj.
Ajo ka folur edhe për hemoragjinë cerebrale dhe mënyrën se si ish-bashkëshorti i mori fëmijën e saj.
“Për aq ditë sa isha në botën e përtejme, më bëri të ndryshoj plotësisht jetën time dhe mënyrën e të menduarit. Ishi im mori kujdestarinë e djalit dhe kjo u bë vetëm me një fjali: nëna është aktore, ka hemoragji cerebrale dhe ka interpretuar role jo etike në shumë filma. Për mua kjo ishte një goditje, që më bëri të rikthehem dhe të adoptoj dy fëmijë të tjerë, Liam dhe Quinn e ata më dhanë forcën për të rifilluar jetën”.
Duke folur për të tashmen, aktorja 60-vjeçare tregoi se kujdeset shumë për veten: “Bëj më të mirën time për të qenë në formë. Kujdesem për veten si dhe për fizikun tim për t’u ndjere mirë me veten. Sensualiteti vjen nga thellësia. Vetëm femrat që ndihen mirë me veten kanë forcën për të qenë edhe seksi”.
