Liverpool nuk ka grumbulluar futbollistin me origjinë shqiptare, Xherdan Shaqirin për të udhëtuar në Serbi në përballjen me Crvena Zvezdan. Ky vendim është marrë nga trajneri Jurgen Klopp i cili ka dashur të mos rrezikojë me marrjen e lojtarit.
Deklarata të forta ka pasur para ndeshjes në lidhje me ardhjen e Shaqirit në Serbi, ku thuhej se mund të kishte irritim të tifozëve. Ndërsa i pyetur në lidhje me këtë çështje trajneri i skuadrës serbe të Crvena Zvezdës ka thënë se nuk dëshiron të flasë për vendimin Klopp.
“Unë nuk e di se çfarë të them për vendimin e marrë nga Klopp. Do të lija gjithçka, për të mos u përgjigjur në këtë çështje. Situata është ajo që e dinë të gjithë, pastaj nëse ka arsye të tjera taktike ose të tjera unë nuk jam i familjarizuar me to”. – ka thënë Milojeviç
