Kryetari i Partisë Bindja Demokratike, Astrit Patozi ka rikujtuar me anë të një videoje të postuar në rrjetet sociale, krijimin e lëvizjes për ringritjen e Partisë Demokratike, pas humbjes së zgjedhjeve në 2017-ën.
Kjo lëvizje, përbëhej nga një grupim i strukturuar që kërkon ndryshime thelbësore në drejtimin dhe funksionimin e saj për ta mbajtur partinë të bashkuar.
Më pas, u shpall publikisht platforma e bashkimit të demokratëve dhe i’u dërgua Lulzim Bashës, por ajo bie në vesh të shurdhër.
Sipas Patozit, ky ishte shansi i fundit për shpëtimin e Partisë Demokratike.
Duke qenë se nuk i’u krijuan kushtet e barabarta për të garuar me Bashën për të marrë drejtiin e partisë, dhe PD po degradohej, Patozi më pas do të krijonte forcën e re për të vijuar rrugëtimin e tij politik.
Postimi i Patozit në Facebook
SHANSI I FUNDIT PËR SHPËTIMIN E PD. KRIJOHET LËVIZJA PËR RINGRITJEN E SAJ
(Rrugëtimi i Bindjes Demokratike-9)
Korrik 2017. Krijohet në Tiranë Lëvizja për Ringritjen e PD, si një grupim i strukturuar që kërkon ndryshime thelbësore në drejtimin dhe funksionimin e saj për ta mbajtur atë të bashkuar.
Shpallet publikisht platforma e bashkimit të demokratëve dhe i dërgohet Lulzim Bashës, por ajo bie në vesh të shurdhër.
Ai marshon drejt një Kongresi farsë, ku çimentohet privatizimi i partisë.
Pas kësaj, Patozi e konsideron të përfunduar pa sukses misionin e lëvizjes dhe paralajmëron krijimin e një force të re politike, si e vetmja rrugë për të vijuar më tej angazhimin politik.
