Shakira ka publikuar së fundmi këngën e saj të re të titulluar “Monotonia” në bashkëpunim me Ozunën. Kënga është cilësuar si një rrëfim personal i Shakirës, pas ndarjes nga Pike. Kënga flet për problemet që vijnë në një lidhje dashurie, kur ajo bëhet monotone. Në videoklip shohim Shakirën të rrëzuar, duke u zvarritur në tokë, duke luftuar për ta kapërcyer dhimbjen e cila është aq e madhe sa ajo preferon të ikë me zemrën e gjakosur në duar.
“Nuk ishte faji yt, por as i imi. Ishte faji i monotonisë. Nuk thashë kurrë asgjë, por më dhembte. E dija që kjo do ndodhte.
E harrove se çfarë ishim dikur, krejt papritur nuk ishe më i njëjti, më le për shkak të narcizmit tënd. Ti nuk jepje as gjysmën, por e di që unë dhashë më shumë se ti.
Po vrapoja për dikë që për mua as nuk po ecte”, thuhet në mes të tjerash në tekstin e këngës së Shakirës.
