Një prokuror spanjoll ka kërkuar më shumë se tetë vjet burg për superyllin kolumbian Shakira, dhe një gjobë prej më shumë se 23 milionë euro (23.51 milionë dollarë) për një rast mashtrimi tatimor prej 14.5 milionë euro, raportoi të premten gazeta spanjolle “El Pais”.
Zyra e prokurorit dhe përfaqësuesit e Shakirës nuk ishin menjëherë të disponueshëm për koment.
Këtë javë, ylli i popit refuzoi një ofertë zgjidhjeje nga zyra e prokurorit për të mbyllur një çështje mashtrimi në të cilën ajo akuzohet, se nuk kishte paguar taksat midis 2012 dhe 2014, periudhë në të cilën Shakira thotë se nuk jetonte në Spanjë.
Burimi i lajmit: usnews. Përshtatur nga Tirana Today
