Shakira dhe Gerard Pique mund ta çojnë ndarjen e tyre në gjykatë nëse nuk arrijnë një marrëveshje shpejt, sipas raporteve të fundit. Ish-çifti po luftojnë për kujdestarinë e fëmijëve të tyre, Sasha dhe Milan që kur u ndanë pas romancës së tyre 12-vjeçare.
Mirëpo, negociatat mes këngëtares dhe lojtarit të Barcelonës nuk po shkojnë mirë, dhe gjasat janë që të përballen me njëri-tjetrin në gjykatë.
Paparazzi Jordi Martin, i cili pretendon të jetë një ekspert në jetën e tyre, tha për Socialite, “Nuk ka asnjë marrëveshje rregullatore apo ndonjë lloj marrëveshjeje midis Pique dhe Shakira”.
Martin tha se ai ka kontaktuar një nga firmat ligjore të përfshira dhe ata e kanë siguruar atë se “nuk ka asnjë marrëveshje” midis Shakira dhe Pique për momentin.
Më parë u raportua se këngëtarja kolumbiane dëshiron t’i marrë djemtë e saj përgjithmonë në Miami, ndërsa futbollisti këmbëngul që ata të qëndrojnë në Barcelonë me të.
“Pique është kundër [lëvizjes] sepse rrënjët e familjes së tij, miqtë dhe aktivitetet e tij janë këtu dhe ai nuk do të shkojë në Miami”, tha gazetari.
“Shakira është me të vërtetë kundër kësaj, sepse fëmijët tashmë kanë filluar vitin aktual shkollor”, shtoi ai.
Martin pretendon se nëse do të përfundonin në gjykatë, shanset e Shakirës për të fituar çështjen do të ishin të ulëta pasi fëmijët kanë jetuar gjithë jetën e tyre në Spanjë, dhe nuk mund ta lënë arsimin e tyre shkollor në mes.
Ai vazhdoi duke shtuar se Shakira do të duhej të priste të paktën një vit të tërë para se të mund të shpresonte t’i largonte fëmijët jashtë vendit.
Një gjë që Martin është i sigurt se do të ndodhë është se “ata do të duhet të përballen me njëri-tjetrin në gjykatë”, në rast se Shakira dhe Pique nuk arrijnë të nënshkruajnë një marrëveshje.
Burimi i lajmit: Geo News. Përshtatur nga Tirana Today
