Ministrja e Arsimit Besa Shahini ka publikuar në Facebook një sondazh sipas të cilit 52% e studentëve janë shprehur se institucionet ku ata studiojnë nuk i kanë plotësuar pritshmëritë e tyre, 45% e studentëve kanë deklaruar se nuk janë zhvilluar rregullisht pyetësorë për cilësinë e mësimdhënies. “Sondazhi mblodhi opinionin e studentëve mbi 6 çështje kryesore”, shkruan ndër të tjera Shahini.
Postimi i plotë i saj: “Në Sondazhin Kombëtar të Studentëve (#SKS) të zhvilluar në periudhën Prill-Maj, 2019, ? mbi 89 mijë pyetësorë iu dërguan studentëve, teksa 31.2% e tyre në nivel #kombëtar e kanë plotësuar atë.
Sot po ndajmë një pjesë të gjetjeve nga ky #sondazh, ndërsa nesër do të sjellim të dhëna më të detajuara. Sondazhi mblodhi opinionin e studentëve mbi 6 çështje kryesore: organizimi i institucionit; burimet e institucionit; kurrikulat dhe përmbajtja; mësimdhënia dhe mësimnxënia; aktiviteti kërkimor dhe mbështetja ndaj studentëve”.
