Kryetari i Nismës Thurrje, Endi Shabani është shprehur se kryeministri Edi Rama mund të kishte kaluar në opozitë, që në zgjedhjet e vitit 2017, nëse do të kishte një tjetër sistem elektoral. Deklarata e Shabanit u bë ditën e sotme në një intervistë për ”Fax News”.
Shabani deklaroi se me sistemin aktual zgjedhor, Rama merr 6-7 mandate më shumë nga çfarë mund t’i takojnë, teksa shtoi se kryedemokrati Lulzim Basha e ka të pamundur që ta mundë në këtë mënyrë.
Ndër të tjera, Shabani tha se çdo deputeti i cili ka dalë kundra Ramës, është përjashtuar nga politika, për shkak edhe të sistemit zgjedhor.
Endri Shabani: ”Unë shpresoj që Lulzim Basha të kuptojë se nuk mundet të rrëzojë Edi Ramën pa rrëzuar platformën mbi të cilën ai qëndron. Sot Edi Rama po qeveris me 6 mandate mbi të tijat. Ka ndërtuar një sistem zgjedhor qëi jep atij 6 deri 7 mandate plus nga ato që merr. Që në 2017 mund të kishim qeveri tjetër. Edi Rama mund të ishte në opozitë. Duke pasur këtë sistem zgjedhor Rama është në pushtet. Sot çdo deputet që ka guxuar të flasë kundër Edi Ramës ai praktikisht është përjashtuar nga politika, sepse ka një sistem zgjedhor që e përjashton atë. Pra lufta është për një sistem zgjedhor të ri.”
