Barazimi i Atalantës me Juventës natën e kaluar është interpretuar shumë në media dhe kjo jo për rezultatin përfundimtarë. Kontestime të mëdha kanë ardhur për arbitrin e ndeshjes Damato i cili edhe pse përdori teknilogjinë Var, ka akorduar një penallti të paqenë për Juvrntus.
Në rastin e një goditje dënimi të ekzekutuar nga Dybala, topi përplaset tek Petagna por në shpatull. Gjyqtari akordon 11-metërsh edhe pse u protestua shumë nga lojtarët dhe stoli i Atalantës. Në atë moment Damato vendos ta verifikojë në Var, por edhe aty ka vendosur të mos ndryshojë qëndrim. Nga pamjet televizive dukeshe qartë që nuk ka pasur kontakt me dorë nga ana e sulmuesit Petagna. Penalltia u ekzekutua pas disa çastesh nga Dybala, por që u prit nga portieri i Atalantës, Berisha.
Ka vite që Juventus akuzohet në Itali për mbrojtje nga arbitrat, tani që u vendos sistemi Var u mendua që këto zëra do të shuheshin. Por mbas episodit në ndeshjen e natës së shkuar dyshime të mëdha janë ngritur edhe mbi funksionimin e Var që do të sillte drejtësinë.
/Tirana Today/
