Përfundon ndeshja që mbyll fazën e 1/8 në “EURO 2020”. Ukraina ka thyer Suedinë në sekondat e fundit të shtesës prej 30 minuta dhe ka siguruar kualifikimin në çerekfinale. 90 minutat nuk prodhuan fitues.
Ishin ukrainasit ata që realizuan të parët në minutën e 27, pas një goditjeje tepër të saktë nga ana e Zinçenkos. Ai arriti të shftyrëzojë më së miri një krosim nga ana e mesfushorit Jarmolenko.
Kur mendohej se 45-minutëshi i parë do të mbyllej me avantazhin e ukrainasve, erdhi goli i barazimit për Suedinë.
Në minutën e 43, ylli i Lajpcig, Forsberg shënoi golin e baraspeshës. Gol me fat ky për Suedinë, pasi topi u devijua nga një prej mbrojtësve të Ukrainës.
Kur mendohej se ndeshja do të shkonte drejt penalltive, Dovbik ishte ai që i dha fitoren Ukrainës, duke i siguruar kualifikimin për në çerekfinale.
Në çerekfinale, Ukraina do të ndeshet me Anglinë, ndeshje e cila do të zhvillohet më datë 3 korrik në orën 21:00 në “Olimpico” të Romës.
