Shqipëria ka vendosur të heqë vizat për shtetasit nga Rusia gjatë periudhës së sezonit turistik.
Lajmin e ka bërë të ditur ambasada ruse në Tiranë, e cila ka njoftuar shtetasit e saj përmes një postimi në rrjetet sociale.
turistët rus kanë të drejtë qëndrimin në vendin tonë deri në 3 muaj ose 90 ditë brenda 180 ditëve ose 6 muajsh dhe kjo do të jetë e vlefshme për periudhën nga 1 prilli deri më 31 dhjetor 2021.
“Shqipëria anulon vizat për turistët rusë. Në përputhje me vendimin e Këshillit të Ministrave të Shqipërisë nr. 214 nga data 25 mars 2021, regjimi pa viza për qytetarët e një numri shtetesh, përfshirë Rusinë, është prezantuar për periudhën nga 1 prill deri më 31 dhjetor 2021. Rezidenca e lejuar në vend është 90 ditë nga çdo 180 ditë, duke filluar nga data e hyrjes.”, thuhet në njoftimin e ambasadës.
