Greku Kostandinos Kaçifas ka mbetur i vrarë gjatë një shkëmbimi zjarri me Forcat RENEA.
Ngjarja ka ndodhur një ditë më parë në Gjirokastër. 35-vjeçari nuk iu bind urdhrit për t’u dorëzuar dhe u kundërpërgjigj efektivëve me të shtëna me armë.
Ai kishte lindur në Bularat dhe ishte banues në Athinë, ndërkohë që kishte rreth një javë që kishte mbërritur në Shqipëri.
Në Bularat rreth orës 10:00 po zhvillohej një aktivitet me rastin e festës së ushtarëve të vrarë grekë (Festë Kombëtare e Greqisë). Kanë qenë banorët e fshatit që kanë njoftuar policinë për ngacmimet e vazhdueshme që bënte Kaçifaj.
Gazetari investigativ Artan Hoxha me anë të një reagimi të fortë ka përshëndetur forcat RENEA dhe ka renditur një sërë ngjarjesh. Ai gjithashtu shprehet se grekët duhet ta kuptojnë kush është i zoti i shtëpisë.
Por, mesa duket një qytetar i ka komentuar gazetarit duke i thënë se nuk duhet të “gëzojë” për vrasjen e grekut.
Qytarari i shkruan:
Edhe ky gzim per vrasjen e kujtdoqofte nuk na nderon … ai ishte viktime e mendesive te veta të çmendura , por ishte njeri … dhe nuk asht çudi qe te kete patur gjak shqiptar 🙁
Por, lidhur me këtë koment ka reaguar vetë gazetari Hoxha, ku shkruan:
kur s’te lene rruge tjeter vecse te zgjedhesh mes gjakut tend dhe gjakut te atij tjetrit, atehere dergo me mire nje tufe me lule….
