Numri i të infektuarve me koronavirus në Itali vijon të rritet çdo ditë, duke shënuar një rekord të ri.
Gjatë 24 orëve të fundit janë infektuar 37.978 persona, ndërsa kanë humbur jetën 636 qytetarë.
Numri i viktimave nga Covid-19 në Itali që prej nisjes së pandemisë ka arritur në 43.589, ndërsa i të infektuarve në 1.066.401.
Fatmirësisht, sot janë shënuar një numër rekord personash të shëruar, rreth 15.645 duke e çuar numrin e tyre në total 387.785.
Aktualisht në Itali janë 635 054 të infektuar aktivë me koronavirus.
Numri i tamponeve të kryer në 24 orët e fundit është 234.672.
