Nesër Presidenti serb Aleksandar Vuçiç, do të udhëtojë drejt Rusisë për një vizitë tre-ditore ku do të takohet me Presidentin rus Vladimir Putin. Për, Vuçiç takimin me Putin, të martën, konsiderohet si “i madh dhe i rëndësishëm”.
Temat e bisedimeve nuk janë shpallur zyrtarisht dhe pasi Rusia ka dorëzuar gjashtë MIG-29 të dhuruara në Serbi, “e vetmja gjë e sigurt është se përmirësimi i mëtejshëm i bashkëpunimit ushtarak do të jetë i lartë në agjendën e dy presidentëve”, bën të ditur Tanjugut .
Gjatë një vizite të fundit të ministrit rus të mbrojtjes Sergei Shoigu në Serbi, Vuçiç shprehu interes për sistemet Buk-2 (një nga sistemet më moderne të raketave) dhe Panzir (raketat me rreze të mesme dhe me rreze të shkurtër) dhe mediat sugjerojnë se kjo mund të shfaqet edhe në bisedat e tij në Kremlin.
Promovimi i bashkëpunimit ekonomik do të jetë gjithashtu një nga temat më të rëndësishme, veçanërisht energjia, dhe brenda kësaj perspektive, përfshirja e Serbisë në projektin e Rrjedhës Turke, si dhe furnizimet me gaz.
Në një intervistë me agjencinë TASS të Rusisë në fillim të dhjetorit, Vuçiç tha se marrëdhëniet me Rusinë janë një përparësi për Serbinë jo vetëm për shkak të së kaluarës, por edhe për të ardhmen.
Ai tha se vizita vjen në një kohë kur Serbia është nën presion për lidhjet dhe marrëdhëniet e saj me Rusinë dhe i është kërkua “të mos ulej në dy karrige”.
Vuçiç përsëriti disa herë gjatë intervistës se vendi i tij ishte “ulur në karrigen serbe” dhe se vendi ishte “i vendosur në mënyrë të qartë për t’u bashkuar me BE-në, por edhe për bashkëpunim me Rusinë” dhe kurrë nuk do të vendoste sanksione ndaj Rusisë.
Sipas Ministrit të Jashtëm serb Ivica Daçiç, disa marrëveshje të reja me Rusinë pritet të nënshkruhen gjatë vizitës së delegacionit serb, ndërsa projektet ekonomike dhe investimet do të dakordohen për vitin e ardhshëm.
Delegacioni i udhëhequr nga Vuçiç do të përfshijë Ministrin e Mbrojtjes Aleksandar Vulin, Ministrin e Ekonomisë Goran Kneževiç dhe Ministrin e Inovacioneve Teknologjike Nenad Popoviç.
Më parë, Vuçiç dhe Putin biseduan në Kremlin në mars, ndërsa Vuçiç ishte ende duke shërbyer si kryeministër. TIRANA TODAY
