Një fotografi e Eliza Hoxhës që përmbante mbishkrimin UÇK dhe katalogu i saj është ndaluar nga policia kufitare serbe.
Autoritetet serbe duket se i druhen fotografive të Eliza Hoxhës. Ata kanë kontrolluar deri në detaj autobusin e ekipit nga Kosova që pritet të marrë pjesë në festivalin “Mirdita, Dobar Dan”.
Autobusi dhe fotografitë e Eliza Hoxhës po kontrollohej nëse kishte ndonjë flamur të Kosovës. Ndërsa për këtë situatë ka reagur edhe kryeministri i Kosovës Ramush Haradinaj:
Postimi i plote i Haradinajt:
Autoritetet serbe me aktin e ndalesës në kufi të artistëve kosovarë, të ftuar në festivalin “Mirëdita, dobar dan” në Beograd, po rrënojnë edhe ato pak mundësi për vendosjen e një komunikimi normal me Kosovën, qoftë edhe përmes artit, si gjuhë universale.
Artistët dhe të rinjtë nga Kosova po i nënshtrohen bastisjes së rreptë në kufi me Serbinë, ku policia serbe ua ka bërë me dije se dy ekspozita nuk do të lejohen për shkak të përmbajtjeve artistike të tyre.
Me pengimin e lëvizjes së lirë të njerëzve dhe ideve, Serbia po e minon normalizimin e marrëdhënieve me Kosovën, që është në kundërshtim me frymën dhe vlerat europiane.
RH
