Kandidati për kryetar të PD, Eduard Selami, gjatë takimeve që zhvilloi me demokratët në Kukës, Has dhe Tropojë, ftoi hapjen e një dialogu me gjithë shtresat dhe qytetarët, për ta kthyer Partinë Demokratike në një parti popullore jo thjesht të qendrës së djathtë por dhe më gjerë. Ai u shpreh se Partia Demokratike ka emergjencë rikthimin e besimit tek ndërkombëtarët, duke theksuar se me përjashtim të vitit 1997, lidershipi aktual është më i izoluar se kurrë.
“Hajde të hapim një dialog vlerash me gjithë shtresat dhe qytetarët, ta kthejmë PD në një parti popullore jo thjesht të qendrës së djathtë por dhe me gjerë. Të rikthejmë besimin me partnerët tanë ndërkombëtarë që sot nuk e kemi. Me përjashtim të vitit 97, lidershipi i PD sot është më i izoluar se kurrë me partnerët tanë ndërkombëtarë. Na dolën kundër në mënyrën më flagrante për shkak të gabimeve tona”, tha Selami
Selami premtoi se do ndjekë një politikë krejt ndryshe për rikthimin e pronave për ish-pronarët dhe kërkoi ndjesë për braktisjen e padrejtë që iu është berë shtresave si ish të përndjekurve . I theksoi se rinia është në qendër të platformës së tij.
“Do t’i kërkojmë ndjesë e do t’i rikthehemi shtresave të persekutura, të perndjekurve politik. Jemi shkëputur prej tyre, edhe ish-pronarëve, po kështu dhe rininë. E shikojmë shumë pak rininë! Pse?S epse nuk arrimë t’i japim shpresë. Më thonë që rinia nuk është ajo e viteve ’90. Jo nuk ka ndryshuar aspak, por ne nuk mund ta tërheqim rininë vetëm me traditën krenare të luftës kundër komunizmit! Ti rininë mund ta tërheqësh sot me një nivel konkurues dhe bashkëkohorë, mund ti ofrosh një të ardhme më të mirë këtu, t’i ofrosh mundësinë ta bëjmë shqipërinë sëbashku, t’i ngushtosh distancën me perëndimin”, tha Selami.
Ndërkohë që porsa i përket kryetarit aktual të PD-së, ai tha në një takim me demokratët e veriut, se Basha perfaqëson një model të dështuar.
“Kur u ktheva nga Amerika ne vitin 2013, kam qënë shume afër vendosjes së kandidaturës për kryetar partie. Por u takova me zotin Basha, dhe i thashë kush ishte ambicja ime, pikërisht ta ktheja PD, në parti bashkohore, të ktheja demokracinë. Pa mbaruar une, zoti Basha, vazhdonte fjalinë time. Dhe me të vërtetë e kam falenderuar. Thashë sa mirë një i ri i edukura jashtë, vjen për të kontribuar. Thashë hajde ta bëjmë sebashku dhe tërhoqa kandidaturën, sepse mendoja që kandidatura e Bashës është më e mirë në atë kohë, por gjerat rrodhën ndryshe”, tha Selami.
Eduard Selami, beson se gara do ta forcojë Partinë Demokratike, e cila do të ngrihet në nivel më të lartë për ta kthyer Shqipërinë në histori suksesi.
