Vendi i partisë Aleanca për Shqiptarët të drejtuar nga Ziadin Sela, është i dyshimtë në qeverinë e kryeministrit Zoran Zaev. Në portalin Libertas, bëhet e ditur se janë gati tre deputetë nga komuniteti turk, boshnjak dhe rom, në rast Sela largohet nga qeveria.
Deputetë që janë pjesë e koalicionit me VMRO-DPMNE nga partitë më të vogla. Bie në su fakti se deri tani nuk përmendet PDSH-ja dhe kjo është parë edhe nga deklaratat e fundit të disa përfaqësuesve të BDI, të cilët kanë thënë se askund ata nuk kanë thënë se PDSH do të bëhet pjesë e Qeverisë.
Në shkrim thuhet se do t`i jepet hapësirë Ziadin Selës dhe partisë së tij që të vendosin për hapat e mëtejshëm. Por siç thuhet, shpresojnë se Aleanca nuk do të dal nga Qeveria.
