Gjykata e Shkallës së Parë Fier ka vendosur sekuestro preventive mbi tre llogari bankare në vlerën totale 100.000 euro, të depozituara pranë një banke të nivelit të dytë nga shtetësja Lumturi Çervenaku. Paratë dyshohet se janë përfituar nga aktiviteti kriminal.
100 mijë eurot i ka depozituar në një bankë të nivelit të dytë Lumturi Çervenaku, e ëma e Rando Hodollari. Duke iu referuar gjykatës, ka të dhëna të arsyeshme që provojnë se këto pasuri burojnë nga të ardhura të fituara si pasojë e aktivitetit kriminal në fushën e narkotikëve, të kryer në vazhdimësi nga Rando Hodollari në shtetin grek.
Po kush është Lumturi Çervenaku
Lumturi Çervenaku është e ëma e shtetasit Rando Hodollari i dënuar në shtetin grek për veprat penale të “trafikimit të lëndëve narkotike” të kryer në kuadrin e një grupi kriminal, ku ai ka patur rolin e drejtuesit të grupit.
Ky sekuestrim është kryer në kuadër të procedimit penal të regjistruar për veprën penale të “Pastrimi i produkteve të veprës penale apo veprimtarisë kriminale”, të parashikuar nga neni 287 i K.Penal.
Gjykata njofton se sekuestrimi i llogarive bankare është bazuar në të dhëna të arsyeshme që provojnë se këto pasuri burojnë nga të ardhura të fituara si pasojë e aktivitetit kriminal në fushën e narkotikëve, të kryer në vazhdimësi nga shtetasi Rando Hodollari në shtetin grek.
