Kryeministri Rama është tejet aktiv me rrjetet sociale. Kur e shikon të udhës, ai u përgjigjet qytetarëve, për shqetësimet që ndajnë me të. Rama ka replikuar me ta. Kjo ndodhi pasi postoi një video në ‘Facebook’, në të cilën shfaqej teksa vizitonte një familje të varfër.
Të shumtë ishin ata qytetarë që reaguan pas deklaratës së Ramës, se qeveria do t’i ofronte ndihmë për ndërtimin e banesës, si dhe do t’i gjente një punë kryefamiljarit.
Në morinë e komenteve spikat ai i një qytetari. Ai i sugjeron kryeministrit që qeveria t’i sekuestrojë pasuritë politikanëve, dhe fondet t’u dhuroheshin të varfërve. Ky koment nuk i ka shpëtuar Ramës, i cili ia kthen se sekuestrimet nuk i bën qeveria, por Reforma në Drejtësi.
