Instituti i Statistikave ka publikuar ditën e sotme të dhëna sa i përket aktiviteteve të shërbimeve dhe prodhimit gjatë tremujorit të tretë, që rezultojnë të jenë treguesi më i hershëm i Prodhimit të Brendshëm Bruto.
Të dhënat tregojnë se sektori po shënon premisa pozitive dhe kjo është e lidhur më shumë me sektorin e turizmit. Më të spikaturat në këtë pjesë janë: Hotelet dhë agjencitë e udhëtimit, poer nuk përjashtohet dhe sektori i shërbimeve, i cila ka sjellë kontribute të rëndësishme në ekonomi. Nga ana tjetër sektori tregtisë është ngadalësuar, kjo rezulzton edhe nga Indeksi i tregtisë me Pakicë i publikuar nga INSTAT.
Por, shqetësuese është edhe fakyi i rënies së aktiviteteve në sektorin e telekomunikacioneve, sektor ky mjaft i domosdoshëm për ekonominë shqiptare. Sa i përket sektorit të prodhimit, performancë pozitive kanë dhënë energjia, sidomos së fundmi, por nuk mbetet pas edhe sektori i ndërtimtarisë.
Sektori i shërbimeve dhe aktorët, që kanë kontribuuar pozitivisht në ekonomi janë: tregti, transport, magazinim dhe postë; hotele; informacioni dhe komunikacioni; aktivitete të arkitekturës dhe inxhinierike dhe agjenci udhëtimi.
“Në sektorin e tregtisë, indeksi i shitjeve neto në volum u rrit 1,2%, krahasuar me të njëjtën periudhë të një viti më parë. Ky tregues i përshtatur sezonalisht shënoi rënie 0,2%, krahasuar me tremujorin paraardhës”-shkruan Monitor.al
Sektori i ndërtimit shikohet të jetë kontribues per ekonominë, por kjo duket paksa paradoksale për trendin e përgjithshëm të shendetit të ekonomisë.
Këtu shikohet një disproporcion mes lidhje së ofertës dhe kërkesës, pasi janë shumë larg dhe nuk kanë një lloj përllogaritje. Po t’i referohemi dhe banesave të cilave janë pabanuara në treg, kanë sjellë një lloj fryrje dhe kjo padyshim nuk është e stuadiar mirë në këtë drejtim.
Në aktivitetin transport, magazinim dhe posta, i cili përfshin transportin hekurudhor të mallrave, detar, ajror, magazinimin dhe aktivitetin postar, në tremujorin e tretë 2017, Indeksi i shitjeve neto në volum u rrit 4,5%, krahasuar me tremujorin e tretë 2016. Ndërsa, krahasuar me tremujorin paraardhës, ky tregues i përshtatur sezonalisht shënoi rënie 2,6%.Në sektorin e hoteleve, Indeksi i shitjeve neto në volum u rrit 17,2%, krahasuar me të njëjtën periudhë të një viti më parë. Ndërsa, krahasuar me tremujorin paraardhës, ky tregues i përshtatur sezonalisht shënoi rritje 2,5%.
Në aktivitetin informacion dhe komunikim, i cili përfshin aktivitetin e publikimit, telekomunikacionit si dhe shërbimet e teknologjisë së informacionit, Indeksi i shitjeve neto në volum u ul 2,2%, krahasuar me tremujorin e tretë 2016. Ky tregues i përshtatur sezonalisht shënoi rritje 3,3%, krahasuar me tremujorin paraardhës.
Në aktivitete arkitekture dhe inxhinierike, i cili përfshin aktivitete arkitekturore dhe inxhinierike, aktivitete të kontrolleve dhe analizave teknike, Indeksi i shitjeve neto në volum u rrit 13,8%, krahasuar me të njëjtën periudhë të një viti më parë. Ndërsa, krahasuar me tremujorin paraardhës, ky tregues i përshtatur sezonalisht shënoi rritje 4,9%.
Në aktivitetin agjenci udhëtimi, Indeksi i shitjeve neto në volum u rrit 24,4%, krahasuar me tremujorin e tretë 2016. Ndërsa, krahasuar me tremujorin paraardhës, ky tregues i përshtatur sezonalisht shënoi rritje 19,4%.
Sektori i Prodhimi dhe ndikimi në ekonomi:
Në aktivitetin Ndërtim, Indeksi i shitjeve neto në volum shënoi rritje 19%, krahasuar me tremujorin e tretë 2016. Krahasuar me tremujorin paraardhës, ky tregues i përshtatur sezonalisht u ul me 3,4%.
Në industri, indeksi i shitjeve neto në volum shënoi rritje 2,2%, krahasuar me të njëjtën periudhë të një viti më parë. Ky tregues i përshtatur sezonalisht shënoi rënie 4,9%, krahasuar me tremujorin paraardhës.
Në aktivitetin Energji elektrike, gaz, avull indeksi i shitjeve neto në volum shënoi rritje 21,5 %, krahasuar me të njëjtën periudhë të një viti më parë. Ky tregues i përshtatur sezonalisht u rrit 15,5% krahasuar me tremujorin paraardhës.
