Lamberto Zannier, Sekretar i Përgjithshëm i OSBE-së ka uruar Ilir Metën me rastin e zgjedhjes President i Republikës.
Zannier ka vlerësuar bashkëpunimin e shkëlqyer që OSBE ka pasur me Kuvendin e Shqipërisë, nën drejtimin e Metës.
Gjithashtu, përmes telegramit, Zannier ka siguruar se Shqipëria do ketë mbështetjen e OSBE-së në procesin e zbatimit të reformave.
Më poshtë teksti i plotë i letrës:
Shkëlqesia Juaj,
Ju lutem pranoni urimet e mia të ngrohta për zgjedhjen tuaj President i Republikës së Shqipërisë. Ju merrni këtë detyrë në një moment të rëndësishëm për rajonin e për gjithë Europën, dhe përfitoj nga rasti t’ju uroj sa më shumë sukses.
E vlerësoj bashkëpunimin e shkëlqyer që ne kemi pasur me Kuvendin e Shqipërisë nën drejtimin tuaj, duke përfshirë edhe takimit tonë të fundit në Tiranë në 2015-n. Përmes institucioneve të saj dhe Prezencës në Shqipëri, OSBE mbetet e angazhuar të bashkëpunojë ngushtë me autoritetet kombëtare dhe për të mbështetur vendin tuaj në procesin e reformave.
Shkëlqesia Juaj, ju lutem pranoni konsideratën time më të lartë.
Lamberto Zannier
Sekretar i Përgjithshëm i OSBE
