Sekretari i Përgjithshëm NATO-s, Jens Stoltenberg do të zhvillojë sot një vizitë në Tiranë.
Ministria e Mbrojtjes bën me dije se Stoltenberg do të mbërrijë pas mesdite në aeroportin “Nënë Tereza”, ku do të pritet nga ministrja e Mbrojtjes, Olta Xhaçka.
Mësohet se fillimisht do të ndalet në Kryeministri, ku pritet të takohet me kryeministrin Rama, e ku do të japë dhe një konferencë të shkurtër për shtyp.
Me pas Stoltenberg do të zhvillojë një takim dypalësh në Presidencë.
Pas këtij takimi, ai do të largohet nga Tirana për të udhëtuar drejt Maqedonisë së Veriut.
