Në “Manchester Arena” pak ditë më parë u zhvillua ndeshja mes Tyson Furyt dhe Sefer Seferit, e cila përfundoi me triumfin e boksierit britanik në raundin e katërt. Boksieri shqiptar u tërhoq pas raundit të katërt, por nuk u kuptua arsyeja e këtij vendimi. Në përfundim të ndeshjes ka qenë vetë Seferi që ka sqaruar situatën në një intervistë për gazetën gjermane “Blick”.
“Unë jam një luftëtar”, thotë Seferi, “Unë luftoj kudo dhe jam krenar. Çdokush mund të thotë atë që dëshiron por kur je në ring me boksierin më të mirë në botë është diçka krejt tjetër”, shtoi boksieri shqiptar.
I pyetur për tërheqjen nga gara Seferi shpjegoi: “Pësova një dëmtim në shpatull, nuk po funksiononte më si duhet. Nuk kishte kuptim të vijoja më tej”. Gjatë intervistës Seferi duket i ënjtur në fytyrë nga grushtet e Fyru. Ndeshja në fjalë u kritikua shumë pasi nuk pati boks të mirëfilltë dhe boksieri shqiptar u cilësua një kundërshtar tepër i dobët për një boksier të përmasave si britaniku.
