Sekretari përgjithshëm i PD, Gazmend Bardhi i ka bërë thirrje Edi Ramës që të “lejojë Gramoz Ruçin që të bëjë publike orën e seancës plenare”. Opozita ka paralajmëruar se më datë 5 mars do të mblidhet para Parlamentit për të vazhduar protesta kundër qeverisë Rama, pasi e akuzijnë se është i kapur nga krimi dhe se me paratë e krimit ka blerë zgjedhjet e 2017-ës.
“Edi Rama, lejoje Gramozin të publikojë orën e seancës plenare! Seanca plenare nuk është si PPP e tua, që i njoftohet vetëm klientit privat dhe publikut i mbahet i fshehtë. Parlamenti është i qytetarëve, jo i përfaqesuesve të krimit! Shihemi më 5 Mars përpara Parlamentit! ✌”, ka shkruar Gazmend Bardhi në Twitter.
