Djali i të moshuarës që u dhunua nga Aurona, ka ardhur menjëherë nga Belgjika, e ndërsa ka thënë se nuk do ta lëjë nënën e tij në duart e askujt.
Pas ngjarjes së rëndë të ndodhur në Pejë, ku infermierja Aurona Pelaj dhunoi të moshuarën në shtëpinë e të moshuarve, ka ardhur edhe reagimi i djalit të saj.
Ai tha në një lidhje telefonike për “Shqipëria Live” se ka ardhur nga Belgjika sapo ka mësuar ngjarjen.
“Mua më morën në telefon. E rëndësishme për mua të vi këtu se unë jetoj në Belgjikë.
Nëna do qëndrojë me mua këtu në Kosovë, në Belgjikë do shkojmë pasi të bëhen procedurat ligjore.
E kam vendos që nëna kurrë të mos jetë e tjetërkujt, përveç se e imja dhe e motrës time”, tha djali i saj.
Në pamjet që qarkullonin në media, infermierja Pelaj qëllonte të moshuarën dhe koleget e saj regjistronin skenën dhe zbaviteshin.
