Përpos moderimit, bukuroshja Luana Vjollca këtë vit i është përkushtuar muzikës, duke publikuar në vetëm pak muaj 3 videoklipe. “Boll u bo tu vujt” ishte projekti i parë muzikor i këtij viti nga Luana, një këngë që rezultoi e suksesshme.
Pas këtij projekti, Luana solli dy bashkëpunime, “Sonte” me Danin dhe ripunimin e këngës “Moj bjondinë me sytë e zi” në bashkëpunim me grupin TNT.
“Panorama plus” bën të ditur se bashkëpunimet e Luanës me këta këngëtarë profesionistë janë strategji e të dashurit të saj, menaxherit Krenar Çoçaj, për të depërtuar në tregun e muzikës. Dhe duket se ajo ia ka dalë mbanë, pasi koncertet e saj janë gjithmonë e në rritje.
Fansat e kërkojnë, dhe kjo reflektohet qartë edhe në postimet e saj në rrjetet sociale. Që kur partneri i saj e ka marrë nën menaxhim, ajo arrin të marrë ftesa për të kënduar në koncerte të ndryshme, ku arrin të nxjerrë për një natë paratë e shpenzuara për një klip, që kushton mesatarisht tek 5 mijë euro.
