S’do ta besoni, Rudina Xhunga u njoh me burrin që në klasë të parë

Kush më shumë se Rudina Xhunga mund të jetë e stërvitur me emocionet? Eksperieca e gjatë në gazetari, lufta e përhershme për të nxjerrë në pah gjithmonë e më shumë të drejtat e një gjinie e cila, sado të ngrejë kokë, del gjithmonë dikush a diçka që të kujton se “je grua”, por edhe peripecitë në çdo kënd të vendit për të zbuluar e për të thënë të vërtetën atëherë kur të gjithë duan ta fshehin, nuk janë pak. Stërvitje me ndjenjat, me zemrën, sfidë me lotët që jo pak herë mund t’i jenë mbledhur në grykë, por mbi të gjitha, sfidë që, kur është fjala për Rudinën, e bën edhe më të fortë dhe e nxit për të ecur para. Sepse është ajo që di të bëjë më mirë dhe ajo për të cilën ka kontribuuar aq shumë…

Por nuk është njëlloj. Në këtë rast, aspak njëlloj. Kur është fjala te Alana, duart janë lart. Emocioni bën pjesën e vet. Sidomos në ditë të tilla kur e vogla është rritur dhe nis klasën e parë. Megjithatë, edhe këtë herë, Rudina di ta largojë emocionin me kujtime. Të ëmbla, të bukura. Si kjo histori që ajo sot ua rrëfeu të gjithëve për atë djalin që rrinte pas mësueses…

Së bashku me bashkëshortin, gazetarja e njohur e ekranit, sot ka përcjellë Alanën në klasë të parë. Me këtë rast, Rudina ka postuar disa foto nga dita e saj e parë e shkollës, por edhe ka sjellë në vëmendje se, ndryshe nga shumë fëmijë të tjerë, ajo nuk qau atë ditë, përkundrazi, mezi kishte pritur të hynte në një botë të re.

Une nuk qava diten e pare te shkolles. Mezi po prisja te hyja ne nje bote te re, ku shuuuume vite me vone do njihja ate djalin e vogel qe ne klase te pare, rrinte afer mesueses dhe bashke do sillnim ne jete Alanen, qe sot e cuam ne klase te pare. Pitilushe, te vafte mbare, e vogel. Duaje boten ku po hyn, zbuloje me syte e tu kurioze dhe beje me te mire, per ke vjen me pas. Sic e beme ne, duke te sjelle ty Alanushe. Sot ra zilja e pare e shkolles per ty. Zilet te shoqerofshin gjithmone! Vit te mbare gjithe te vegjlit e klases se pare, sot e pas dy javesh. Marrcin me te miren e prinderve dhe dhencin me te miren e ketij brezi vogelushesh me kaq vetbesim.

A post shared by Rudina Xhunga (@rudinaxhunga) on Sep 3, 2018 at 1:34am PDT

Unë nuk qava ditën e parë të shkollës. Mezi po prisja të hyja në një botë të re, ku shumë vite më vonë do njihja atë djalin e vogël që në klasë të parë, rrinte afër mësueses dhe bashkë do sillnim në jetë Alanën, që sot e çuam në klasë të parë. Pitilushe, të vaftë mbarë, e vogël. Duaje botën ku po hyn, zbuloje me sytë e tu kuriozë dhe bëje me të mirë, për kë vjen më pas. Siç e bëmë ne, duke të sjellë ty Alanushe. Sot ra zilja e parë e shkollës për ty. Zilet të shoqërofshin gjithmonë! Vit të mbarë gjithë të vegjlit e klasës së parë, sot e pas dy javësh. Marrshin më të mirën e prindërve dhe dhënçin më të mirën e këtij brezi vogëlushësh me kaq vetëbesim.