Dortmund ka zhvilluar një ndeshje përtë ardhur keq përballë Schalke 04, ku është barazuar edhe pse ka qenë në avantazhin e plotë katër golave në pjesën e parë. 25 minutat e para rezultuan një makth i vërtetë për skuadrën e Tedescos. Në minutën e 12-të zhbllokoi Aubameyang, ndërsa 6 minuta më vonë Stambouli devijoi në portën e tij për rezultatin 2-0. Ende pa marrë vetëm nga ky autogol, Schalke u ndëshkua nga Gotze në të 20-ën dhe Guerreiro në të 25-ën.
Të rënduar psikologjikisht, “Minatorët” të paktën shkuan në dhomat e zhveshjes pa pësuar një tjetër gol. Reagimi erdhi deri në fraksionin e dytë, teksa Burgstaller dhe Harit shënuar njëri pas tjetrit brenda 4 minutave lojë (61 dhe 65), duke ngushtuar në 4-2. Në minutën e 72-të Aubameyang la fushën pas dy kartonëve të verdhë, duke u dhënë shpresë kundërshtarëve për një përmbysje të madhe. Caligiuri shënoi të tretin për Schalken në të 86-ën, ndërsa në minutën e katërt shtesë Naldo realizoi golin e barazimit në një sfidë vërtet të çmendur, ku u shënuan plot 8 gola.
Ndërsa në ndeshjet e tjera Bayern Leverkusen ka fituar me rezultatin e ngushte 1-0 në transfertë me Eintracht Frankfurt. Ndërsa Wolsburg është përmbysur nga Augsburg në pjesën e dytë pasi ishte në avantazh në të parën edhe pse nga minuta e 10 Arnold u ndëshkua me karton të kuq. Edhe Freiburg ka arritur të mposht Mainzi me rezultat 2-1 dhe largohet përkohësisht nga zona e nxehtë e mbijetesës.
Leipzig ka mposhtur me rezultatin e patër 2-0 Werder Bremen në shtëpi, duke iu afruar me tre pikë Bayer Munich, duke shpresuar tek një ndalesë që mund tu bëj këtyre të fundit B. Monchengladbach. Ka mjaftuar Keita në pjesë të parë dhe Bernardo në fundin e takimit për ti dhënë fitoren ekipit.
