Sazan Guri ka çuditur me hipotezën e tij të fundit, pasi e ka nxjerrë Jezu Krishtin me origjinë nga Shqipëria. Ai pretendon se Krishti para ngjitjes në qiell mbante mbi kokë një plis, që është simbol i Shqipërisë dhe shqiptarëve.
Kandidati i vetëshpallur për president, Sazan Guri, i ka mëshuar fort kësaj teze.
Teksa ka qenë i ftuar në “ABC e Mëngjesit”, ai e ka mbështetur këtë deklaratë, duke u shprehur se e ka të lexuar në libra. Guri thotë se Krishti ishte me plis dhe me një flamur me dy krena, kur e kryqëzuan.
“Ne i lexojmë nëpër biblioteka, i kemi me fakte. Mbasi i gjejmë, i gjejmë edhe me faqe se ku janë dhënë. Do t’i publikojmë pak nga pak. Unë flas për ato që di.
Akili me plis, Odiseja me plis. Fustanellën e mban edhe populli grek, ndërsa plisin e mbajnë vetëm këta të tjerët. Pra, Krishti është me plis dhe kjo është pikturë. Kur e kryqëzuan, Krishti ishte me plis dhe atje lart një flamur me dy krena.
Maria, turqit i thonë Merjen. Judenjtë Mirjam. Ne i themi e mbarë. Pra janë emrat më të përdorur”, u shpreh ai.
