Sarri tek Chelsea, Napoli arkëton 100 milionë euro për Hysajn dhe…

Chelsea ka filluar revolucionin, pasi ky mund të quhet një sezon i dështuar ku klubi londinez nuk arriti të sigurojë pjesëmarrjen në Champions League. Pavarësisht se me në krye Antonio Conten “Blutë e Londrës” kanë fituar kampionati një sezon më parë dhe këtë vit FA Cup, duket se nuk mjafton që italiani të qëndrojë pa Championsin. Ka edhe një lloj tension mes tij dhe lojtarëve, ku kemi parë shpesh herë përplasje mes tyre dhe ulje në stol.Vendin e tij pritet që ta marrë një italian tjetër dhe ai do të jetë Maurizio Sarri që ka zhvilluar një sezon fantastik tek Napoli, pavarësisht se nuk u shpallën kampion. 59-vjeçari pritet që të nisë aventurën e tij me gjigantin londinez të futbollit, ndërsa këtë javë në Angli presin që të bëjnë ndryshimin e madh.Raportohet se agjenti i Sarri-t, Alessandro Pellegrini dhe ndërmjetësi Fali Ramadano, janë takuar zyrtarisht në “Stamford Bridge” për të diskutuar këtë punë. Megjithatë, duke parë se “Blutë e Londrës” e mbyllën të pestët në Premier League, do të synohet që për sezonin e ardhshëm të bëhen përforcime që të kërkohet rritje në tabelën e renditjes. Kështu, së bashku me Sarri-n kërkohen edhe tre lojtarë nga “San Paolo” stadium.Duke iu referuar “Sportitalia”, Sarri kërkon që të marrë tre lojtarët kryesorë të Napoli-t; mbrojtësin e djathtë Elseid Hysaj, qendërmbrojtësin Raul Albiol dhe mesfushorin Piotr Zielinski. Të tre lojtarët kanë klauzola dhe trajneri di gjithçka rreth kontratave të tyre për t’i marrë më pas me vete në Londër. Hysaj kushton 44 milion paund, ndërsa Zielinski 57 milion paund. Albiol, i cili ka luajtur te Real Madrid nga viti 2009 deri në 2013 mund të jetë më i lirë, vetëm 5.2 milion paund. Gjithashtu raportohet se Sarri është i fiksuar për një marrëveshje me Kalidou Koulibaly dhe Jorginho, por ata kanë klauzolë të shtrenjtë.