Një pushues polak për pak sa nuk ka vënë jetën në rrezik, ku pas hedhjes nga trampolina në plazhin Rinia në qytetin e Sarandës, ka përplasur kokën tek gurët.
Për pasojë, ai ka humbur ndjenjat. Turisti Kamil Thiotheli, rreth 45-vjeç, nga Polonia, është hedhur me kokë nga trampolina, por hedhja ka qenë fatale.
Nga përplasja, ai ka pësuar çarje të madhe në kokë, e më pas ka humbur ndjenjat.
Por fatmirësisht menjëherë është vënë në lëvizje roja bregdetare, i cili e ka nxjerrë në breg.
Shtetasi polak ndodhet në spitalin e Sarandës, nën kujdesin e bluzave të bardha, për marrjen e ndihmës së duhur shëndetësore.
