Lajmi që bëri xhiron e rrjetit një ditë më parë, kishte të bënte me një majmun i cili kishte goditur me shuplakë policët Bashkiakë në Sarandë. Në rrjet shpërthyen komentet, duke vënë në pikëpyetje lëvizjet e majmunit “boksier” që alarmoi oficerët e Sarandës. Policët Bashkiakë shkuan që të kapnin një majmun, i cili kishte dalë nga kafazi i një subjekti privat në zonë, por në tentativë e sipër ata janë rrahur me shpulla nga kafsha. E madje kanë pësuar dëmtime në fytyrë. Majmuni shpëtoi nga kafazi, dhe më pas “u shpall në kërkim” nga blutë e Sarandës.
Gjithçka nisi kur një majmun, që rrinte në kafazin e një hoteli në zonë, është nxjerrë nga i zoti për të shlodhur këmbët duke bërë një xhiro përreth biznesit, raporton Abcnews.al. Qytetarëve iu është dukur si ari dhe menjëherë kanë njoftuar policinë Bashkiake që të ndërhyjë.
Policët Bashkiakë kanë tentuar të kapin kafshën, por është egërsuar duke i sulmuar. Pas zhurmës së krijuar ka ndërhyrë i zoti i majmunit që ishte aty pranë, duke e qetësuar dhe rifutur në kafaz.
