Në një konferencë për shtyp, Ministri i Jashtëm rus Sergei Lavrov është prononcuar për problemet ekonomike të Rusisë. “Ne do t’i përballojmë ato – ne kemi përballuar vështirësi në të gjitha momentet e historisë sonë”.
Ai thotë se Rusia “do të dalë nga kriza me një psikologji dhe ndërgjegje më të mirë”.
“Ne nuk kemi iluzione se Perëndimi mund të jetë një partner i besueshëm”, vazhdon më tej ai, duke thënë se “do të tradhtojë këdo dhe do të tradhtojë vlerat e veta”.
“Ju siguroj se do t’ia dalim dhe do të bëjmë gjithçka për të mos u mbështetur kurrë te Perëndimi, në asnjë fushë të jetës sonë”.
Lavrov thotë se Rusia “tërhoqi vëmendjen” për faktin se Ukraina po “kthehej në antiruse” gjatë shumë viteve, duke shtuar: “Ukraina po shndërrohej në një mjet eksperimental pro-perëndimor”.
Burimi i lajmit: BBC. Përshtatur nga Tirana Today
